احتفالية القبائل العربية.. السيسي يروي ذكرى النصر

وجه الرئيس عبد الفتاح السيسي مجموعة من الرسائل الهامة بمناسبة خلال احتفالية القبائل العربية والعائلات المصرية بذكرى انتصارات أكتوبر.

أبطال مصر

شملت رسائل الرئيس الشكر والتقدير لكل أبطال مصر عبر العصور مؤكدا بمناسبة ذكرى مرور 51 عاما على نصر أكتوبر أن تلك المناسبة ستظل دايما خالدة في الوجدان.

اتحاد القبائل

وقال الرئيس السيسي: بشكر كل من ساهم في هذه الاحتفالية.. سواء منظمات المجتمع المدني واتحاد القبائل وكل اللى شارك.. بشكركم.. ونوجه التحية لكل شعب مصر بمناسبة هذه الاحتفالية دي. لازم تفرحوا.. حكاية أكتوبر ملهمة لا تنتهى.. والنصر لم يكن بسيطا وكان خلفه إرادة شعب كامل.. رفض الهزيمة تحدى نفسه وظروفه وتحدى التحدي نفسه. اللى بتشوفوا دلوقتى.. من غير تفسير كتير وتوضيح كتير.. نفس الظروف بعد 67.

خط بارليف

وأكد السيسي أن: كل الناس والعالم والخبراء واللى مهتمين بالموضوعات العسكرية وتحديات الدولة المصرية خاصة على الصعيد العسكري كانوا بيقولوا مستحيل.. خط بارليف المانع الكبير.. المقارنة لم تكن في صالحنا..

الشعب المصري

وتابع الرئيس عبد الفتاح السيسي : أن الشعب المصري تحدى نفسه وحقق الانتصار وعلشان الانتصار ده غالى أوي دفعنا فيه دماء شبابنا ودماء المصريين.

أنور السادات

وأردف: الرئيس الراحل أنور السادات دفع حياته من أجل السلام.. ودى كانت فاكره سابقه العصر.. عندنا تحديات صعبة وعندنا روح وإصرار على النجاح وبفضل الله سبحانه وتعالى وبالعمل والإصرار والمتابعة هنعبر كل تحدى أمامنا ونصل بفضل الله مع بعض إلى كل ما تتمنى.

حكايات لناس بسيطة

وأشار إلى أن الحكايات الـ 8 اللى جت النهاردة.. حكايات لناس بسيطة موجودة في كل بيت مصري يسعى من أجل حياته وأسرته لحياة أفضل.. قادرين على تحقيق الإنجازات.. في سيناء نعمل حى باسم الحاجة فرحانة علشان نفتكر.. ونكون فاكرين الجميل.. فيه ناس كتير قدمت كتير لمصر.. فرصة لنموذج للحاجة فرحانة.. ونعمل حاجة في القاهرة.. محور أو حاجة كده من أجل نشوف أهلنا في سيناء عملوا أية.

محمد منير

وفى الختام وجه الرئيس تحية لكل من ساهموا فى الاحتفالية.. وخص بالذكر الفنان محمد منير.. وشكره على مساهمته واصراره على التواجد فى الحفلة وربنا يديله الصحة.. كل سنة وانتم طيبين وكل الشكر ليكم.. على اللى ساهم وجاهد وعمل معانا.