تحدث النجم تامر عاشور بشأن الأزمة الأخيرة للنجمة شيرين عبد الوهاب، عبر حسابه الخاص بموقع “X”.
وكتب تامر عاشور: “كل اللي أقدر أقوله في موضوع شيرين عبد الوهاب إن مفيش كلمه واحده بس من اللي اتقالت وانتشرت صح أنا قريب من اهل شيرين ووالدتها واخوها”.
وأضاف عاشور: أنا برضه أقولها إني بحبها وكل الدنيا بتحبها وتحب فنها، أهل شيرين مظهروش فى حياتها آخر سنتين ثلاثه أهل شيرين هم اهل شيرين من زمان كل نجاحات شيرين كانت وسط اهلها وناسها اللي يشيلوها من ع الارض شيل”.
ودعا لها المولى عز وجل أن يبعد عنها “كل خبيث واناني وفاشل وممثل، هي اطيب منهم كلهم وهم اللي وقعوها فكل مشاكلها “انت بمن حولك ” لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم بمنتهى السهوله”.
واختتم منشوره قائلا: “أنا كلت عيش وملح ف بيتها وف بيت امها واخوها وكان لازم اقول الكلام ده علشان الكلام ده هو الكلام الحقيقي ولا كلمه من اللي اتقالت واتسمعت ليها أساس من الصحه، أهل شيرين هم هم اهل شيرين من زمان قوي”.
ويأتي تعليق عاشور بعد انتشار تسريب صوتي للفنان حسام حبيب، يتحدث خلاله عن معاناة شيرين بسبب استغلال أهلها لها.
