أكدت الفنانة ياسمين عبد العزيز، أنها بدأت عام 2025 بقرارات حاسمة تتعلق بترتيب أولويات حياتها، قائلة:«قررت إني أركز في شغلي ووقتي يبقى لأولادي والشغل.. وده اللي ركزت عليه السنة دي».
وأضافت ياسمين عبد العزيز خلال لقائها ببرنامج “معكم” الذي تقدمه الإعلامية منى الشاذلي بقناة “أون” أن صورة جمعتها بطبيبها تحولت لشائعة عاطفية، معلقة بسخرية: «اتصورت مع الدكتور بتاعي.. طلعوا شائعة! خلاص يطلعوا براحتهم».
كشفت ياسمين عبد العزيز أنها وصلت لمرحلة رضا واكتفاء ذاتي بعيدًا عن الارتباط: «أنا مبسوطة بدون جواز.. وبقيت أحب ياسمين أكتر».
وأكدت أنها لا تمانع الزواج مستقبلًا، لكن لو حدث فسيكون بعيدًا تمامًا عن الأضواء: «مش هتجوز في السر.. بس حياتي الشخصية مش هعرف الناس حاجة عنها».
وتحدثت ياسمين بوضوح عن مراجعتها للكثير من قرارات الماضي: «ندمت على حاجات كتير.. وده قوة مش ضعف.. كنت مبقولش لأ وكنت جدعة أوي مع ناس مش المفروض أكون جدعة معاهم».
وأضافت أن عام 2025 شهد نقطة تحول: «كنت بفكر بقلبي.. لكن دلوقتي قلبي وعقلي شغالين».
أكدت ياسمين أنها مرّت بفترات صعبة كثيرة جعلتها أكثر صلابة، موضحة:«اتعرضت لخبطات عشان بتعامل بقلبي.. بس أنا منكسرش.. عندي أولاد لازم يشوفوا أمهم قوية».
وتحدثت عن دخولها المستشفى لفترة طويلة: «قعدت 4 شهور ونص في المستشفى.. وشوفت الموت.. ورجعت أقوى».
وأجابت ياسمين عبد العزيز بجرأة عندما سُئلت: هل الحب أعمى؟، قائلة: «هو الزمن ده فيه حب؟ البدايات بس حكايات.. لكن مفيش حب حقيقي».
وأضافت أنها سعيدة بتجربتها الحالية: «مبسوطة بالسنجلة ومش عايزة حب.. مركّزة في شغلي وأولادي».
وأكدت ياسمين عبد العزيز أنها تعلمت من التجربة: «غلط إن الواحد بعد الطلاق يدخل علاقة.. لازم يهدى ويشوف حياته».
واعترفت بأنها أخطأت حين تحدثت علنًا بعد الانفصال: «غلطت إني طلعت اتكلمت.. وكل شيء نصيب».
وتحدثت بإحساس واضح عن علاقتها بالله:«دخلت 2025 وأنا واحدة تانية في علاقتي بربنا.. بصلي وبقرأ قرآن وبعمل عمرة.. وربنا اللي له فضل عليّا من وأنا صغيرة».
وقالت ياسمين عبد العزيز إنها ضيّعت سنوات خوفًا من شماتة الناس، ثم اكتشفت خطأ ذلك:«كنت بقعد في حياة مش مبسوطة خوفًا من إن الناس تشمت.. دلوقتي لأ.. يشمتوا برحتهم».
وأكدت أنها تعلمت أن البركة تختفي حين تصبح الخصوصيات علنية: «أي حاجة بتظهر للناس.. مبيبقاش فيها بركة».